Blomsterkurs – haust på Undeland Gard

Velkomen til blomstergarden i Hardanger!

September er framleis høgsesong for blomar, samtidig som hausten byrjar å vise seg med vakre fargenyansar, frøstandar og strå.

Kurset startar med ei omvising blant sesongens blomar på åkeren og i drivhusa på Undeland Gard. Her blir du kjend med sortar som eignar seg godt i vårt klima, og får tips og kunnskap du kan ta med deg til eiga dyrking.

Deltakarane får ei omfattande sortsliste og lærer mellom anna om blomar som er etande, tiltrekkjer seg pollinatorar, eignar seg til tørking eller dannar vakre frøstandar. Det blir særleg fokus på sortar som toler ei frostnatt og kan halde fram med å pryde hagen utover hausten.

Etter lunsj går kurset over i den praktiske delen. Du lærer om bukettkomposisjon, ulike typar blomar og fyllmateriale og grunnleggjande spiralteknikk.

Så er det tid for å gå ut på garden og plukke favorittane dine frå åker og drivhus og setje saman din eigen haustbukett.

Kurset passar også på ein regnvêrsdag – mange av blomane veks i drivhus, og sjølve blomsterbindinga går føre seg under tak.

Dato og tid:
Sundag 13. september kl. 11.30–16.30

Stad:
Undeland Gard, Hardanger

Pris:
1200 kr per deltakar, inkludert lunsj og blomar.

Påmelding:
Påmelding via nettsida til Undeland Gard.